Баланың өзінің тіліне, дініне, ұлтына деген сүйіспеншілік әкенің көзқарасымен, анасының сүтімен беріледі. Бала туғаннан өзінің тілінде әлдилеген ән тыңдаса, тілі шыққаннан мақал-мәтелдер естіп өссе өз елінің нағыз патриоты болып қалыптасатынына шүбә жоқ. Сол мақсатпен Жезқазған қаласындағы №13 «Ертөстік» бөбекжайы нда «Отбасындағы патриоттық тәрбие» тақырыбында топтық ата-аналар жиналысы өтті. Ата- аналар жиналысының негізгі мақсаты тұлғаның адамгершілік қасиеттері мектепке дейінгі жаста қалыптасатынын, отанды сүю отбасынан басталатынын ,отансүйгіштік қасиетті қалыптастыруда отбасы тәрбиесінің маңызы зор екенін ата-аналарға жеткізу болатын. Жиналыс барысында ата-аналармен тренингтер, сауалнамалар ,ситуациялық сұрақтарға жауап беру сияқты шаралар жүргізілді. Ата-аналар ұлттық ойындардың маңыздылығын өздері ойнап көрсетіп талдады. Жиналыс соңында «Мен қазақпын» әнін шырқап өздері де патриоттық сезімдерінің шыңдалуына мүмкіндік туғызды.
Ата-аналар болашақ ұрпағының туған өлкесін, халқын, Отанын, отбасын сүйетін тұлға ретінде тәрбиелеуде зор жауапкершілік керектігін ұғынып , тәрбиешілерге бала тәрбиесіндегі еңбектері үшін ,отбасы мен бөбекжайдың ынтымақтығы үшін алғысын айтып тарасты.